امبراطور ميلودي تامر عادل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


امبراطور ميلودي تامر عادل
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  

 

 تابع رباعيات صلاح جاهين

اذهب الى الأسفل 
كاتب الموضوعرسالة
mira
مشرف فى منتدى تامر عادل
مشرف فى منتدى تامر عادل
mira


عدد المساهمات : 589
نقاط : 47
السٌّمعَة : 14
تاريخ التسجيل : 14/11/2008
الموقع : www.tamer.7olm.org

تابع رباعيات صلاح جاهين Empty
مُساهمةموضوع: تابع رباعيات صلاح جاهين   تابع رباعيات صلاح جاهين Icon_minitime1الجمعة نوفمبر 14, 2008 6:41 pm

اوقـات

اوقـات افـوق ويحــل عنـى غبـايا
واشـعر كأنى فـهمت كـل الخبـايـا
وافتـح شـفايفى عشــان أقـول الدرر
مـا أقـولش غير حبة غزل فى الصبايا
عـجبى !!

إيـديا فـى جيوبـى

إيـديا فـى جيوبـى وقلبـى طـرب
سـارح فى غربة بس مش مـغترب
وحـدى لكـين ونسـان وماشـى كده
وبـابتعد … ما اعرفش … أو باقترب
عـجبى !!

إيش تـطلبى يـا نفسـى
إ
يش تـطلبى يـا نفسـى فـوق كـل ده
حظــك بيضــحك وانـتى متنكـدة
ردت قـالت لـى النفس : قـول للبشـر
مـا يبصـوليش بعيـون حـزينـة كـده
عـجبى !!

إيه اللى خدتـه

إيه اللى خدتـه من مرور السـنين
يا قلبـى الا دمـعتك والأنـيـن
بتئن وبتفــرح وترجــع تحــن
مـع إن مـش كل البشر فرحـانين
عـجبى !!

أيـوب رمـاه الـبـين

أيـوب رمـاه الـبـين بـكـل الــعلل
سـبع سـنين مـرضان وعـنـده شـلل
الصـبر طيـب . . صـبر أيـوب شـفـاه
بـس الأكـاده مـات بـفـعل الـمـلل
عـجبى !!

بحـر الحياه
بحـر الحياه مليـان بـغرقـى الـحياه
صـرخت خش الـمـوج فى حلقى ملاه
قارب نجـاه ! . . صـرخت قالوا مفيش
غير بـس هو الـحب قـارب نـجـاه

عـجبى !!

بره القزاز
بره القزاز كـان غيـم وأمطـار وبـرق
مـا يهمنيش – أنا قلت – ولا عنـدى فـرق
غيرت رأيــى بعــد ســاعة زمـان
وكنت فـى الشـارع … وفـى الجزمة خرق

عـجبى !!

البـط شـال
البـط شـال عـدى الجبال والبحـور
ياما نفسـى اهـج … أحج ويا الطيـور
أوصـيك يا ربى لمـا امـوت … والنبى
مـا تودنـيش الجنـة … للجنـة سـور

عـجبى !!

بلياتشـو
بلياتشـو قال إيـه بس فايدة فنونى ؟
وتلات وقق مسـاحـيق بيلـونـونى
والطـبل والزمـامـير وكتر الجـعير
إذا كان جنون زبونى زاد عن جنونى

عـجبى !!

بين موت وموت
بين موت وموت . . بين النـيران والنيران
ع الحبـل ماشـيين الشـجاع والجبـان
عجبى علادى حيـاة . . ويـا للعــجب
إزاى أنـا – يـاتخين – بقيت بهـلوان

عـجبى !!
تسـلم يا غصن الخـوخ

تسـلم يا غصن الخـوخ يا عود الحطب
ييجـى الـربيع . . تطـلع زهورك عجب
وانا ليـه بيمضـى ربيع وييجـى ربيـع
ولسـه برضــك قلبـى حتـة خشـب

عـجبى !!

جــالك أوان وعـرفت

جــالك أوان وعـرفت مشـى الجنـايـز
كـيف شــفتهـا يـا عبـد رب اللـذايذ
قال : شـفت شـيل بالـحيل فـقير أو أمير
كمـا شـالـوا فـى الـخمامير فواضى القزايز

عـجبى !!



جـالك أوان


جـالك أوان ووقفت مـوقف وجــود
يا تجـود بـده يا قلبى يا بده تجـود
مـا حـد يقـدر يبقـى على كل شىء
مـع إن ـ عجبى ـ كـل شىء موجود

عـجبى !!


حاسب من الأحـزان

حاسب من الأحـزان وحاسـب لهـا
حاسب علـى رقابيـك مـن حبلهـا
راح تنتهـى ولابــد راح تنتهـى
مـش انتهت أحـزان مـن قبلهـا ؟

عـجبى !!

حبيـت

حبيـت . . لـكن حب من غير حنـان
وصـاحبت لـكن صـحبه مـا لهاش أمان
رحت لحــكيم واكـتر لقيت بـلوتـى
إن اللى جـوه القـلب مش ع اللسـان


عـجبى !!


حتـة محـارة

حتـة محـارة وجـدتها فى يوم لقيـة
قـالت لى شـوف كيف الطبيعة شقية ؟
نظـرت للكـهف اللـى فيهـا ولـقيت
إن الطـبيعـة كـمـان … لا أخـلاقية

عـجبى !!

يتبع>>>>>>>>>>>>>>>.
الرجوع الى أعلى الصفحة اذهب الى الأسفل
https://tamer.7olm.org
 
تابع رباعيات صلاح جاهين
الرجوع الى أعلى الصفحة 
صفحة 1 من اصل 1
 مواضيع مماثلة
-
» تابع رباعيات صلاح جاهين
» تابع رباعيات صلاح جاهين
» تابع رباعيات صلاح جاهين
» تابع رباعيات صلاح جاهين
» رباعيات صلاح جاهين

صلاحيات هذا المنتدى:لاتستطيع الرد على المواضيع في هذا المنتدى
امبراطور ميلودي تامر عادل :: قسم الشعر والخواطر-
انتقل الى: