حوار لنسيم النجار

حاورته لمجلة العرب: ميرا على

[size=18]نسيم النجارمذيع مصرى شاب بقناة ميلودى تريكس، شاب وسيم، طموح، محبوب، مرح، و متواضع جدا، أحببه الجمهور خلال فترة قصيرة و استطاع ان يحقق شعبية كبيرة، بدأ ممثلا ثم لمع كمذيع ومازالت لديه الكثير من الأحلام. تعالوا لنتعرف عليه اكثر من خلال هذا الحوارالذى اجريته معه:

مين هو نسيم النجار؟
انا شاب طموح مجتهد جدا و بحب شغلى جدا

ازاى جت فرصة عملك كمذيع بميلودى تريكس و هل الاعلام كان مجال دراستك؟
مذيعين فعرفت اوصل لل تريكس عايزين سمعت ان
و دراستى اصلا المعرض العالى للفنون المسرحية قسم تمثيل و اخراج بس مكملتش دراستى عشان اشتغلت باستديو التمثيل لخالد جلال test وعملت interview


انت بتملك مقومات الشاب الوسيم..تفتكر ان لشكلك دخل فى نجاحك كمذيع؟

و الله انا مصدق فى ان الجمال جمال الروح و شكرا انك شايفانى وسيم بس معتقدش ان ده له أى دور لو مكنش الواحد موهوب و فى نفس الوقت مجتهد و ده الأهم
بس أكيد الواحد شكله مقبول ده عامل مساعد بس لو فى موهبة و اجتهاد الشكل مالوش أى عامل فى النجاح


بعد نسيم المذيع، ايه اللى اتغير فى نسيم النجار؟

سؤال مهم جدا
أولا زاد عندى الوعى فى التعامل مع فكرة المعجبين لأن دى مرحلة مختلفة تماما عن العلاقات العادية و له قواعد مختلفة فى التعامل..ما اختلفش حاجة فى شخصيتى أوى غير انى بقيت واثق من نفسى اكتر، فى الأول كنت بتلخبط لما حد بيعرفنى فى الشارع مثلا بس بعد شوية بيبقى الموضوع عادى و فى احساس بالنجاح و بان الناس بتحبك

ايه الاختلاف بين نسيم على الشاشة و نسيم فى حياته الشخصية؟
و الله مفيش اختلاف كتير غير انى باخد بالى ان مش كل حاجة تتقال على الهوا و بعد على الهوا مسئولية لانك مش بتكلمى واحد ولا اتنين انتى بتكلمى ملايين الناس يمكن فى وقت واحد من الوطن العربى و العالم كله لكن غير كده ماليش شكل معين بتقمصه و انا على الهوا، أنا زى ما أنا

مع برامج المسابقات، ايه نوعية البرامج اللى تحب تقدمها؟
أحب أقدم برامج تتكلم عننا و عن مشاكلنا بوضوح و من غير خوف و أبقى مفيد بجد مش بس بقدم ترفيه للناس و أقول عيوبنا عشان نشوفها و نعرف نغيرها و اقدم برنامج بيتكلم عن الأخلاق و يفكر الناس و يفكرنى معاهم معنى كلمة قيم و اخلاق و ازاى تزوير الحقيقة ممكن يخلينا بنعمل الغلط على انه صح و مفيش حاجة جوانا تمنعنا

هل جتلك عروض للعمل فى قنوات تانية؟
جاتلى عروض و فى حاجات رفضتها و فى حاجات مازالت موجودة و مقررتش فيها و مستنى الحاجة اللى نفسى فيها


لقيت ايه فى قناة ميلودى تريكس مش هتلاقيه فى قنوات تانية؟
لقيت فى تريكس حرية فى انى اتكلم بطريقتى و اتكلم بالكلمات اللى بتكلم بيها مع أصحابى و دى حاجة مش صعب ألاقيها فى قناة تانية بس معتقدش ان فى حاجة تانية

كلكم فى ميلودى تريكس محبوبين و كل واحد منكم له جمهور كبير جدا، هل بينكم صداقة صافية بعيدة عن العمل، غيرة مهنية، او منافسة شريفة؟
لا كلنا أصحاب الحمد لله و طبعا غيرة الشغل او المنافسة الشريفة زى ما سميتيها دى موجودة طبعا بس مكنتش سبب فى مشاكل و أغلبنا أصحاب جدا بس مش كلنا

مين أقرب مذيعى تريكس لقلبك و بتحس بارتياح معاه على الشاشة؟
كلهم أصحابى و حبايبى

من المتعارف عليه انه المذيع ممكن يتعرض لمواقف محرجة على الهواء خاصة من المتصلين، حصل انك اتعرضت لموقف محرج قبل كده؟ و ازاى اتصرفت؟
حصل كتير فى الأول بس كلها عدت على خير بس بقالى كتير محصلش حاجة الحمد لله

هل جالك عروض لدخول الوسط الفنى؟ و هل قبلت اى حاجة منها؟
هو أنا أصلا بمثل قبل ما أبقى مذيع
مش هقولك بيجيلى عروض و برفض و الكلمتين دول بس لسه مجتش فرصة كويسة


ليه فكرت تشترك فى مسابقة ملك جمال مصر؟
و الله أنا كنت هناك بالصدفة و أقنعونى أدخلها فى وقت كنت مكتئب جدا فحسيت انها هتخرجنى من الاكتئاب ده فوافقت لكن مكنش على بالى الفكرة قبل كده

ايه رأيك بصراحة فى المسابقة دى؟
رأيك بصراحة دى حسستنى انها حاجة عيب
اولا هى مش ملك جمال مصر هى
MR EGYPT
بمعنى السيد مصر بمعنى الشاب اللى بيعبر عن مصر لأنها مسابقة بنختار فيها شاب مننا يبقى سفير للثقافة و اللياقة البدنية و لحسن المظهر و السلوك عشان يمثلنا قصاد الشباب فى العالم كله زيه زى أى رياضى أو فنان او سفير بس كمصرى و ده مظهر حضارى جدا بس المهم يتنفذ ازاى و مراسم المسابقة و تثقيف الشعب بهدفها عشان احنا مش بنعمل حاجة احنا مقتنعين بيها و خلاص و اللى مش عاجبه يخبط راسه فى الحيط، لازم الناس تفهم ايه ده لأن فكرتها من بره كده مرفوضة لناس كتير أوى، أغلبهم عشان طريقة التنفيذ و عشان شايفينها ملهاش فايدة و مضيعة وقت لشوية ناس فاضية و ده مش حقيقى فى العالم كله

هل كنت تتمنى انك تفوز باللقب ولا كانت المسابقة بالنسبة ليك طريق للشهرة؟
كان نفسى فى اللقب جد،ا مكنش بهدف الشهرة
و المسابقة فى مصر مش بتعمل شهرة، اسمها بيصاحبه السمعة السيئة فى كل حتة نتيجة السبب اللى قلت لك عليه قبل كده

من وجهة نظرك، جمال الرجل يكون بشكله أو بشخصيته ؟
زى ما قلت لك قبل كده الجمال جمال الشخصية و الروح ده غير ان الرجل مش جميل و معيار جاذبيته مش مبنى على جمال شكله لكن شخصيته هى اللى بتجذب الناس له

فى غير اوقات العمل، ازاى نسيم النجار بيشغل اوقات فراغه؟
بلعب بلاى ستيشن و بخرج مع أصحابى و بحب السفر جدا

سؤال بيفرض نفسه الايام دى: ايه رأيك فى الوسط الغنائى و بتفضل مين من المطربين او المطربات؟
أنا بحب عمرو دياب و حسام حبيب و اليسا و يارا و فى مطربين كتير هايلين و ناجحين جدا مع كل الناس بس دول اكتر مطربين بحبهم كمطرب شخصية و أغانى و مزيكا و زكاء احساس، دى اهم حاجة بتعجبنى فى اى مطرب

هل عملك كمذيع هو حلمك الوحيد ولا لسه عندك احلام محققتهاش؟
أنا محققتش أى حاجة من أحلامى و أحلامى أنا لسه بعيد عنها جدا

ايه هى خططك للمستقبل؟
خططى المستقبلية عايزة يوم تانى نتكلم فيه بس عامة عايز اتجوز بنت محترمة تقدرنى و أبنى بيت هادى عشان ده المكان الوحيد اللى ممكن احس فيه بالأمان و ان شاء الله أنجح فى كل حاجة بعملها و نفسى فى يوم أخد اوسكار أحسن ممثل

اكيد جميع معجباتك عايزين يعرفوا هل الحب دق باب قلب نسيم النجار؟
ده اول سؤال بتسئله بس عامة ان شاء الله فى أخبار حلوة قريب




هل الزواج مشروع مؤجل فى حياتك؟ و ايه هى مواصفات فتاة احلامك؟
لا مش مؤجل قريب ان شاء الله، و فتاة احلامى بسيطة، طيبة، زكية، طموحة، قوية، بتحبنى و بحبها و دى اهم، تستحملنى عشان انا صعب و تفهم ازاى تتعامل معايا، صبورة مش لحوحة، و مش طماعة

فى الآخر أسيبلك كلمة توجهها لمحبينك و متابعينك

أقولهم شكرا على الحب ده، دى مسئولية بحاول أبقى قدها و اكيد أنا كمان بحب اى حد بيحبنى و أتمنى تفضلوا بتحبونى، أنا لسه فى بدايتى أتمنى أبقى أحسن و أعلى فى نظركوا أكتر

بشكرك نسيم على صراحتك و وضوحك و بتمن الك النجاح و السعادة دايما و ان شاء الله تحقق كل احلامك و أتمنى يكون الحوار عجبك
شكرا يا ميرا أتمنى لك النجاح يارب انتى محاورة هايلة[/size]